මේ සූත්රය ඛුද්දක නිකායේ-සුත්තනිපාත පාළි-චූළ වග්ගය- බුදුන් වහන්සේගෙන් මස් මාංස ආහාර වැළඳීම පිලිබඳ අසනු ලැබූ ප්රශ්නයට, කාශ්යප බුදුන් දවස සිදුවූ සිද්ධියක් පෙන්වා දුන් සූත්රය බව සිහි තබා ගන්න.
“සාමාකචිඞ්ගූලකචීනකානි ච, පත්තප්ඵලං මූලඵලං ගවිප්ඵලං
ධම්මෙන ලද්ධං සතමස්නමානා, න කාමකාමා අලිකං භණන්ති”.
“යදස්නමානො සුකතං සුනිට්ඨිතං, පරෙහි දින්නං පයතං පණීතං
සාලීනමන්නං පරිභුඤ්ජමානො, සො භුඤ්ජසී කස්සප ආමගන්ධං”.
“න ආමගන්ධො මම කප්පතීති, ඉච්චෙව ත්වං භාසසි බ්රහ්මබන්ධු
සාලීනමන්නං පරිභුඤ්ජමානො, සකුන්තමංසෙහි සුසඞ්ඛතෙහි
පුච්ඡාමි තං කස්සප එතමත්ථං, කථං පකාරො ආමගන්ධො”
“පාණාතිපාතො වධඡෙදබන්ධනං, ථෙය්යං මුසාවාදො නිකතිවඤ්චනානි ච
අජ්ඣෙනකුත්තං පරදාරසෙවනා, එසාමගන්ධො න හි මංසභොජනං”.
“යෙ ඉධ කාමෙසු අසඤ්ඤතා ජනා, රසෙසු ගිද්ධා අසුචිභාවමස්සිතා,
නත්ථිකදිට්ඨී විසමා දුරන්නයා, එසාමගන්ධො න හි මංසභොජනං”.
“යෙ ලූඛසා දාරුණා පිට්ඨිමංසිකා, මිත්තද්දුනො නික්කරුණාතිමානිනො,
අදානසීලා න ච දෙන්ති කස්සචි, එසාමගන්ධො න හි මංසභොජනං”.
“කොධො මදො ථම්භො පච්චුපට්ඨාපනා, මායා උසූයා භස්සසමුස්සයො ච,
මානාතිමානො ච අසබ්භි සන්ථවො, එසාමගන්ධො න හි මංසභොජනං”.
“යෙ පාපසීලා ඉණඝාතසූචකා, වොහාරකූටා ඉධ පාටිරූපිකා,
නරාධමා යෙධ කරොන්ති කිබ්බිසං, එසාමගන්ධො න හි මංසභොජනං”.
“යෙ ඉධ පාණෙසු අසඤ්ඤතා ජනා, පරෙසමාදාය විහෙසමුය්යුතා
දුස්සීලලුද්දා ඵරුසා අනාදරා, එසාමගන්ධො න හි මංසභොජනං”.
“එතෙසු ගිද්ධා විරුද්ධාතිපාතිනො, නිච්චුය්යුතා පෙච්ච තමං වජන්ති යෙ – පතන්ති සත්තා නිරයං අවංසිරා, එසාමගන්ධො න හි මංසභොජනං”.
“න මච්ඡමංසානමනාසකත්තං, න නග්ගියං න මුණ්ඩියං ජටාජල්ලං
ඛරාජිනානි නාග්ගිහුත්තස්සුපසෙවනා – යෙ වාපි ලොකෙ අමරා බහූ තපා
මන්තාහුතී යඤ්ඤමුතූපසෙවනා, සොධෙන්ති මච්චං අවිතිණ්ණකඞ්ඛං”.
“යො තෙසු ගුත්තො විදිතින්ද්රියො චරෙ, ධම්මෙ ඨිතො අජ්ජවමද්දවෙ රතො
සඞ්ගාතිගො සබ්බදුක්ඛප්පහීනො, න ලිම්පති දිට්ඨසුතෙසු ධීරො”.
ඉච්චෙතමත්ථං භගවා පුනප්පුනං, අක්ඛාසි තං වෙදයි මන්තපාරගූ
චිත්රාහි ගාථාහි මුනී පකාසයි, නිරාමගන්ධො අසිතො දුරන්නයො.
සුත්වාන බුද්ධස්ස සුභාසිතං පදං, නිරාමගන්ධං සබ්බදුක්ඛප්පනූදනං
නීචමනො වන්දි තථාගතස්ස, තත්ථෙව පබ්බජ්ජමරොචයිත්ථාති.
Aaryasathya 