බොජ්ඣංග පිරිත

සංසාරෙ සංසරන්තානං සබ්බ දුක්ඛ විනාසකෙ
සත්ත ධම්මේච බොජ්ඣංගෙ මාරසෙනාප්පමද්දිනො

බුජ්ඣිත්වා යෙපි මෙ සත්තා තිහවා මුත්තාහි උත්තමා
අජාතිං අජරව්‍යාධිං අමතං නිබ්භයං ගතා

එවමාදි ගුණො පෙතං අනෙක ගුණ සංගහං
ඔසධංව ඉමං මන්තං බොජ්ඣංගං තං භණාමහෙ

බොජ්ඣංගො සතිසංඛ්‍යාතො ධම්මානං විචයො තථා
විරියං පීති පස්සද්ධි බොජ්ඣංගා ච තතො පරෙ

සමාධුපෙක්ඛා බොජ්ඣංගා සත්තෙ තෙ සබ්බ දස්සිනා
මුනිනා සම්ම දක්ඛාතා භාවිතා බහුලීකතා

සංවත්තන්ති අභිඤ්ඤාය නිබ්බානායච බොධියා
එතෙන සච්ච වජ්ජෙන සොත්ථි තෙ හොතු සබ්බදා!

එකස්මිං සමයෙ නාථො මොග්ගල්ලානඤ්ච කස්සපං
ගිලානෙ දුක්ඛිතෙ දිස්වා බොජ්ඣංගෙ සත්ත දෙසයි

තෙ ච තං අභිනන්දිත්වා රොගා මුච්චිංසු තං ඛණෙ
එතෙන සච්ච වජ්ජෙන සොත්ථි තෙ හොතු සබ්බදා!

එකදා ධම්ම රාජාපි ගෙළඤ්ඤෙනාභි පිළිතො
චුන්දත්තෙරෙන තං යෙව භණාපෙත්වාන සාදරං

සම්මොදිත්වා ච ආබාධා තම්හා වුට්ඨාසි ඨානසො
එතෙන සච්ච වජ්ජෙන සොත්ථි තෙ හොතු සබ්බදා!

පහීණාතෙ ච ආබාධා තිණ්ණන්නම්පි මහෙසිනං
මග්ගාහත කිලෙසා ච පත්තානුපත්ති ධම්මතං
එතෙන සච්ච වජ්ජෙන සොත්ථි තෙ හොතු සබ්බදා!

සෙත් පැතීම

සබ්බීතියො විවජ්ජන්තු සබ්බ රොගො විනස්සතු
මා තෙ භවත්වන්තරායො සුඛී දීඝායුකො භව!

භවතු සබ්බ මංගලං රක්ඛන්තු සබ්බ දෙවතා
සබ්බ බුද්ධානුභාවෙන සදා සොත්ති භවන්තු තෙ!

භවතු සබ්බ මංගලං රක්ඛන්තු සබ්බ දෙවතා
සබ්බ ධම්මානුභාවෙන සදා සොත්ති භවන්තු තෙ!

භවතු සබ්බ මංගලං රක්ඛන්තු සබ්බ දෙවතා
සබ්බ සංඝානුභාවෙන සදා සොත්ති භවන්තු තෙ!

සබ්බෙ බුද්ධා බලප්පත්තා පච්චේකානඤ්ච යං බලං
අරහන්තානඤ්ච තෙජෙන රක්ඛං බන්ධාමි සබ්බසො

නක්ඛත්ත යක්ඛ භූතානං පාපග්ගහ නිවාරණා
පරිත්තස්සානුභාවෙන හන්තු තෙසං උපද්දවෙ

දුක්ඛප්පත්තා ච නිද්දුක්ඛා භයප්පත්තා ච නිබ්භයා
සොකප්පත්තා ච නිස්සොකා හොන්තු සබ්බෙපි පාණිනො.