ධම්ම පදය-අත්ත වර්ගය
අත්තදත්ථං පරත්ථෙන බහුනාපි න හාපයෙ
අත්තදත්ථමභිඤ්ඤාය සදත්ථපසුතො සියා.
ධම්ම පදය-අත්ත වර්ගය
අත්තනා’ව කතං පාපං අත්තනා සංකිලිස්සති
අත්තනා අකතං පාපං අත්තනාව විසුජ්ඣති
සුද්ධි අසුද්ධි පච්චත්තං නාඤ්ඤමඤ්ඤො විසොධයෙ.
ධම්ම පදය-අත්ත වර්ගය
යො සාසනං අරහතං අරියානං ධම්මජීවිනං
පටික්කොසති දුම්මෙධො දිට්ඨිං නිස්සාය පාපිකං
ඵලානි කට්ඨකස්සෙව අත්තඝඤ්ඤාය ඵල්ලති.
ධම්ම පදය-අත්ත වර්ගය
සුකරානි අසාධූනි අත්තනො අහිතානි ච
යං වෙ හිතඤ්ච සාධුං ච තං වෙ පරමදුක්කරං.
ධම්ම පදය-අත්ත වර්ගය
යස්ස අච්චන්තදුස්සීල්යං මාලුවා සාලමිවොතතං
කරොති සො තථත්තානං යථා නං ඉච්ඡතී දිසො.
ධම්ම පදය-අත්ත වර්ගය
අත්තනා’ව කතං පාපං අත්තජං අත්තසම්භවං
අභිමත්ථති දුම්මෙධං වජිරං’වස්මමයං මණිං.
ධම්ම පදය-අත්ත වර්ගය
අත්තා හි අත්තනො නාථො කො හි නාථො පරො සියා
අත්තනා’ව සුදන්තෙන නාථං ලභති දුල්ලභං.
ධම්ම පදය-අත්ත වර්ගය
අත්තානඤ්චෙ තථා කයිරා යථඤ්ඤමනුසාසති
සුදන්තො වත දම්මෙථ අත්තා හි කිර දුද්දමො.
ධම්ම පදය-අත්ත වර්ගය
අත්තානමෙව පඨමං පතිරූපෙ නිවෙසයෙ
අථඤ්ඤමනුසාසෙය්ය න කිලිස්සෙය්ය පණ්ඩිතො.
ධම්ම පදය-අත්ත වර්ගය
අත්තානං චෙ පියං ජඤ්ඤා රක්ඛෙය්ය නං සුරක්ඛිතං
තිණ්ණමඤ්ඤතරං යාමං පටිජග්ගෙය්ය පණ්ඩිතො.
Aaryasathya