ධම්ම පදය-බ්රාහ්මණ වර්ගය
පුබ්බෙනිවාසං යො’වෙදි සග්ගාපායං ච පස්සති
අථො ජාතික්ඛයං පත්තො අභිඤ්ඤාවොසිතො මුනි
සබ්බවොසිතවොසානං තමහං බ්රූමි බ්රාහ්මණං.
ධම්ම පදය-බ්රාහ්මණ වර්ගය
උසභං පවරං වීරං මහෙසිං විජිතාවිනං
අනෙජං න්හාතකං බුද්ධං තමහං බ්රූමි බ්රාහ්මණං.
ධම්ම පදය-බ්රාහ්මණ වර්ගය
යස්ස පුරෙ ච පච්ඡා ච මජ්ඣෙ ච නත්ථි කිඤ්චනං
අකිඤ්චනං අනාදානං තමහං බ්රූමි බ්රාහ්මණං.
ධම්ම පදය-බ්රාහ්මණ වර්ගය
යස්ස ගතිං න ජානන්ති දෙවා ගන්ධබ්බමානුසා
ඛීණාසවං අරහන්තං තමහං බ්රූමි බ්රාහ්මණං.
ධම්ම පදය-බ්රාහ්මණ වර්ගය
චුතිං යො’වෙදි සත්තානං උපපත්තිං ච සබ්බසො
අසත්තං සුගතං බුද්ධං තමහං බ්රූමි බ්රාහ්මණං.
ධම්ම පදය-බ්රාහ්මණ වර්ගය
හිත්වා රතිං ච අරතිං ච සීතිභූතං නිරූපධිං
සබ්බලොකාභිභුං වීරං තමහං බ්රූමි බ්රාහ්මණං.
ධම්ම පදය-බ්රාහ්මණ වර්ගය
හිත්වා මානුසකං යොගං දිබ්බං යොගං උපච්චගා
සබ්බයොගවිසංයුත්තං තමහං බ්රූමි බ්රාහ්මණං.
ධම්ම පදය-බ්රාහ්මණ වර්ගය
යො’ධ තණ්හං පහාත්වාන අනාගාරො පරිබ්බජෙ
තණ්හාභවපරික්ඛීණං තමහං බ්රූමි බ්රාහ්මණං.
ධම්ම පදය-බ්රාහ්මණ වර්ගය
යොධ කාමෙ පහාත්වාන අනාගාරො පරිබ්බජෙ
කාමභවපරික්ඛීණං තමහං බ්රූමි බ්රාහ්මණං.
ධම්ම පදය-බ්රාහ්මණ වර්ගය
යො ඉමං පළිපථං දුග්ගං සංසාරං මොහමච්චගා
තිණ්ණො පාරගතො ඣායී අනෙජො අකථංකථී
අනුපාදාය නිබ්බුතො තමහං බ්රූමි බ්රාහ්මණං.
Aaryasathya