ජින පඤ්ජරය

ජයාසන ගතා විරා ජෙත්වා මාරං ස්වාහිණිං
චතුසච්චා මතරසං යෙපිවිංසු නරා සභා

තණ්හංකරාදයො බුද්ධා අට්ඨ විසති නායකා
සබ්බෙ පතිට්ඨිතා තුය්හං මත්ථකෙ තෙ මුනිස්සරා

සිරෙ පතිට්ඨිතා බුද්ධා ධම්මො ච තව ලොචනෙ
සංඝො පතිට්ඨිතො තුය්හං උරෙ සබ්බ ගුණාකරො

හදයෙ අනුරුද්ධො ච සාරිපුත්තො ච දක්ඛිණෙ
කොණ්ඩඤ්ඤො පිට්ඨි භාගස්මිං මොග්ගල්ලානොසිවාමකෙ

දක්ඛිණෙ සවණෙ තුය්හං ආහුං ආනන්ද රාහුලා
කස්සපො ච මහානාමො උභොසුං වාම සොතකෙ

කෙසන්තෙ පිට්ඨිභාගස්මිං සුරියො විය පහංකරො
නිසින්නො සිරිසම්පන්නො සොභිතො මුනිපුංගවො

කුමාර කස්සපො නාම මහෙසි චිත්‍රවාදකො
සො තුය්හං වදනෙ නිච්චං පතිට්ඨාසි ගුණාකරො

පුණ්ණො අංගුලිමාලො ච උපාලි නන්දසීවලි
ථෙරා පඤ්ච ඉමෙ ජාතා ලලාටෙ තිලකා තව

සෙසාසීති මහා ථෙරා විජිතා ජින සාවකා
ජලන්තා සීල තෙජෙන අංගමංගෙසු සණ්ඨිතා

රතනං පුරතො ආසි දක්ඛිණෙ මෙත්ත සුත්තකං
ධජග්ගං පච්ඡතො ආසි වාමෙ අංගුලිමාලකං

ඛන්ධ මොර පරිත්තඤ් ච ආටානාටිය සුත්තකං
ආකාසච්ඡදනං ආසී සෙසා පාකාර සඤ්ඤිතා

ජිනානාබල සංයුත්තෙ ධම්මපාකාරලංකතෙ
වසතො තෙ චතුකිච්චෙන සදාසම්බුද්ධ පඤ්ජරෙ

වාතපිත්තාදි සඤ්ජාතා බාහිරජ්ඣත්තුපද්දවා
අසෙසා විලයං යන්තු අනන්ත ගුණ තෙජසා

ජිනපඤ්ජර මජ්ඣට්ඨං විහරන්තං මහිතලෙ
සදා පාලෙන්තු ත්වං සබ්බෙ තෙ මහා පුරිසා සභා

ඉච්චෙව මච්චන්ත කතො සුරක්ඛො ජිනානු භාවෙන ජිතූපපද්දවො
බුද්ධානුභාවෙන හතාරි සංඝො චරාහි සද්ධම්මනුභාව පාලිතො

ඉච්චෙව මච්චන්ත කතො සුරක්ඛො ජිනානු භාවෙන ජිතූපපද්දවො
ධම්මානුභාවෙන හතාරි සංඝො චරාහි සද්ධම්මනුභාව පාලිතො

ඉච්චෙව මච්චන්ත කතො සුරක්ඛො ජිනානු භාවෙන ජිතූපපද්දවො
සංඝානුභාවෙන හතාරි සංඝො චරාහි සද්ධම්මනුභාව පාලිතො

සද්ධම්මපාකාර පරික්ඛිතොසි අට්ඨාරියා අට්ඨ දිසාසු හොන්ති
එත්තන්තරෙ අට්ඨනාථා භවන්ති උද්ධං විතානංච ජිනා ඨිතා තෙ

හින්දන්තො මාරසෙනං තව සිරසිඨිතො බොධි මාරුය්හ සත්ථා
මොග්ගල්ලා නොසි වාමෙ වසති භුජතටෙ දක්ඛිණෙ සාරිපුත්තො

ධම්මො මජ්ඣෙ උරස්මිං විහරති භවතො මොක්ඛතො මොර යොනිං
සම්පත්තො බොධිසත්තො චරණ යුගගතො භානු ලොකෙක නාථො

සබ්බාව මංගලමුපද්දව දුන්නිමිත්තං සබ්බීති රොග ගහ දොස මසෙස නින්දා
සබ්බන්තරාය භය දුස්සුපිණං අකන්තං බුද්ධානුභාව පවරෙන පයාතු නාසං

සබ්බාව මංගලමුපද්දව දුන්නිමිත්තං සබ්බීති රොග ගහ දොස මසෙස නින්දා
සබ්බන්තරාය භය දුස්සුපිණං අකන්තං ධම්මානුභාව පවරෙන පයාතු නාසං

සබ්බාව මංගලමුපද්දව දුන්නිමිත්තං සබ්බීති රොග ගහ දොස මසෙස නින්දා
සබ්බන්තරාය භය දුස්සුපිණං අකන්තං සංඝානුභාව පවරෙන පයාතු නාසං