ධම්ම පදය-සහස්ර වර්ගය
යො ච වස්සසතං ජීවෙ, අපස්සං ධම්මමුත්තමං
එකාහං ජීවිතං සෙය්යො පස්සතො ධම්මමුත්තමං.
ධම්ම පදය-සහස්ර වර්ගය
යො ච වස්සසතං ජීවෙ අපස්සං අමතං පදං
එකාහං ජීවිතං සෙය්යො පස්සතො අමතං පදං.
ධම්ම පදය-සහස්ර වර්ගය
යො චෙ වස්සසතං ජීවෙ අපස්සං උදයව්යයං
එකාහං ජීවිතං සෙය්යො පස්සතො උදයව්යයං.
ධම්ම පදය-සහස්ර වර්ගය
යො ච වස්සසතං ජීවෙ කුසීතො හීනවීරියො
එකාහං ජීවිතං සෙය්යො විරියමාරභතො දළ්හං.
ධම්ම පදය-සහස්ර වර්ගය
යො ච වස්සසතං ජීවෙ දුප්පඤ්ඤො අසමාහිතො
එකාහං ජීවිතං සෙය්යො පඤ්ඤවන්තස්ස ඣායිනොති.
ධම්ම පදය-සහස්ර වර්ගය
යො ච වස්සසතං ජීවෙ දුස්සීලො අසමාහිතො
එකාහං ජීවිතං සෙය්යො සීලවන්තස්ස ඣායිනොති.
ධම්ම පදය-සහස්ර වර්ගය
අභිවාදනසීලිස්ස නිච්චං වද්ධාපචායිනො
චත්තාරො ධම්මා වඩ්ඪන්ති ආයු වණ්ණො සුඛං බලං.
ධම්ම පදය-සහස්ර වර්ගය
යං කිඤ්චි යිට්ඨං ව හුතං ව ලොකෙ
සංවච්ඡරං යජෙථ පුඤ්ඤපෙක්ඛො
සබ්බම්පි තං න චතුභාගමෙති
අභිවාදනා උජ්ජුගතෙසු සෙය්යා.
ධම්ම පදය-සහස්ර වර්ගය
යො ච වස්සසතං ජන්තු අග්ගිං පරිචරෙ වනෙ
එකඤ්ච භාවිතත්තානං මුහුත්තමපි පූජයෙ
සා යෙව පූජනා සෙය්යා යඤ්චෙ වස්සසතං හුතං.
ධම්ම පදය-සහස්ර වර්ගය
මාසෙ මාසෙ සහස්සෙන යො යජෙථ සතං සමං
එකඤ්ච භාවිතත්තානං මුහුත්තම්පි පූජයෙ
සා යෙව පූජනා සෙය්යා යඤ්චෙ වස්සසතං හුතං.
Aaryasathya