ධම්ම පදය-බ්රාහ්මණ වර්ගය
සබ්බසංයොජනං ඡෙත්වා යො වෙ න පරිතස්සති
සඞ්ගාතිගං විසඤ්ඤුත්තං තමහං බ්රූමි බ්රාහ්මණං.
ධම්ම පදය-බ්රාහ්මණ වර්ගය
න චාහං බ්රාහ්මණං බ්රූමි යොනිජං මත්තිසම්භවං
භොවාදී නාම සො හොති සචෙ හොති සකිඤ්චනො
අකිඤ්චනං අනාදානං තමහං බ්රූමි බ්රාහ්මණං.
ධම්ම පදය-බ්රාහ්මණ වර්ගය
පංසුකූලධරං ජන්තුං කිසං ධමනිසන්ථතං
එකං වනස්මිං ඣායන්තං තමහං බ්රූමි බ්රාහ්මණං.
ධම්ම පදය-බ්රාහ්මණ වර්ගය
කිං තෙ ජටාහි දුම්මෙධ කිං තෙ අජිනසාටියා
අබ්භන්තරං තෙ ගහණං බාහිරං පරිමජ්ජසි.
ධම්ම පදය-බ්රාහ්මණ වර්ගය
න ජටාහි න ගොත්තෙන න ජච්චා හොති බ්රාහ්මණො
යම්හි සච්චඤ්ච ධම්මො ච සො සුචී සො’ව බ්රාහ්මණො.
ධම්ම පදය-බ්රාහ්මණ වර්ගය
යම්හා ධම්මං විජානෙය්ය සම්මාසම්බුද්ධදෙසිතං
සක්කච්චං තං නමස්සෙය්ය අග්ගිහුත්තං’ව බ්රාහ්මණො.
ධම්ම පදය-බ්රාහ්මණ වර්ගය
යස්ස කායෙන වාචාය මනසා නත්ථි දුක්කතං
සංවුතං තීහි ඨානෙහි තමහං බ්රූමි බ්රාහ්මණං.
ධම්ම පදය-බ්රාහ්මණ වර්ගය
න බ්රාහ්මණස්ස පහරෙය්ය නාස්ස මුඤ්චෙථ බ්රාහ්මණො
ධී බ්රාහ්මණස්ස හන්තාරං තතො ධී යස්ස මුඤ්චති.
න බ්රාහ්මණස්සෙතදකිඤ්චි සෙය්යො
යදා නිසෙධො මනසො පියෙහි
යතො යතො හිංසමනො නිවත්තති
තතො තතො සම්මති මෙව දුක්ඛං.
ධම්ම පදය-බ්රාහ්මණ වර්ගය
බාහිතපාපො’ති බ්රාහ්මණො සමචරියා සමණො’ති වුච්චති.
පබ්බාජයත්තනො මලං තස්මා පබ්බජිතො’ති වුච්චති.
ධම්ම පදය-බ්රාහ්මණ වර්ගය
දිවා තපති ආදිච්චො රත්තිං ආභාති චන්දිමා
සන්නද්ධො ඛත්තියො තපති ඣායී තපති බ්රාහ්මණො
අථ සබ්බමහොරත්තිං බුද්ධො තපති තෙජසා.
Aaryasathya