ධම්ම පදය-මල වර්ගය
අසජ්ඣායමලා මන්තා අනුට්ඨානමලා ඝරා
මලං වණ්ණස්ස කොසජ්ජං පමාදො රක්ඛතො මලං.
Category: ධම්ම පදය
ධම්ම පදය-මල වර්ගය
පණ්ඩුපලාසො’ව දානි’සි යමපුරිසා’පි ච තං උපට්ඨිතා.
උය්යොගමුඛෙ ච තිට්ඨසි පාථෙය්යම්පි ච තෙ න විජ්ජති.
සො කරොහි දීපමත්තනො ඛිප්පං වායම පණ්ඩිතො භව
නිද්ධන්තමලො අනඞ්ගණො දිබ්බං අරියභූමිමෙහිසි.
උපනීතවයො ච දානි’සි සම්පයාතො’සි යමස්ස සන්තිකෙ
වාසො’පි ච තෙ නත්ථි අන්තරා පාථෙය්යම්පි ච තෙ න විජ්ජති.
සො කරොහි දීපමත්තනො ඛිප්පං වායම පණ්ඩිතො භව
නිද්ධන්තමලො අනඞ්ගණො න පුනං ජාතිජරං උපෙහිසි.
ප්රවර්ග
සවග මහණුන්ගේ අසංවරය
ධම්ම පදය-ක්රෝධ වර්ගය
කායප්පකොපං රක්ඛෙය්ය කායෙන සංවුතො සියා
කායදුච්චරිතං හිත්වා කායෙන සුචරිතං චරෙ.
වචීපකොපං රක්ඛෙය්ය වාචාය සංවුතො සියා
වචීදුච්චරිතං හිත්වා වාචාය සුචරිතං චරෙ.
මනොපකොපං රක්ඛෙය්ය මනසා සංවුතො සියා
මනොදුච්චරිතං හිත්වා මනසා සුචරිතං චරෙ.
කායෙන සංවුතා ධීරා අථො වාචාය සංවුතා
මනසා සංවුතා ධීරා තෙ වෙ සුපරිසංවුතා.
ප්රවර්ග
අතුල උපාසකයා
ධම්ම පදය-ක්රෝධ වර්ගය
පොරාණමෙතං අතුල නෙතං අජ්ජතනාමිව
නින්දන්ති තුණ්හිමාසීනං නින්දන්ති බහුභාණිනං
මිතභාණිම්පි නින්දන්ති නත්ථි ලොකෙ අනින්දිතො.
න චාහු න ච භවිස්සති න චෙතරහි විජ්ජති
එකන්තං නින්දිතො පොසො එකන්තං වා පසංසිතො.
යං චෙ විඤ්ඤූ පසංසන්ති අනුවිච්ච සුවෙ සුවෙ
අච්ඡිද්දවුත්තිං මෙධාවිං පඤ්ඤාසීලසමාහිතං.
නෙක්ඛං ජම්බොනදස්සෙව කො තං නින්දිතුමරහති
දෙවා’පි නං පසංසන්ති බ්රහ්මුනා’පි පසංසිතො.
ප්රවර්ග
Aaryasathya 